Kategoriýalar
Türkmenistana daşary ýurt döwletlerinden getirilýän önümi sertifikatlaşdyrmagyň tertibi
1. Türkmenistana daşary ýurt döwletlerinden getirilýän önümi sertifikatlaşdyrmak üçin Arza beriji sertifikatlaşdyrmak boýunça edara şu aşakdaky sanaw boýunça resminamalary tabşyrylmaly: arza;
gümrük edaralary tarapyndan berilýän delilnamanyň nusgasy (gümrük barlagynyň namasynyň ýa-da harytlaryň wagtlaýyn saklanylýan ýere ýerleşdirilendigi hakynda delilnamanyň nusgasy);
gümrük deklarasiýasynyň nusgasy;
şertnamanyň nusgasy (önüm Türkmenistana şertnama boýunça getirilen ýagdaýynda);
inwoýsyň nusgasy ýa-da hasap-faktura;
önüm şertnama boýunça getirilende, şertnama esasynda (satyjydan, potratçydan) talap edilýän önümiň hilini tassyklaýan resminamalaryň nusgasy;
eger Arza beriji ýuridiki şahs bolsa, onuň wekili üçin kärhananyň (guramanyň, firmanyň) möhri we ýolbaşçysynyň goly bilen tassyklanan ynanç haty;
eger Arza beriji fiziki şahs bolsa, Arza berijiniň wekili üçin kepillendiriş tertibinde ýa-da şahsy möhür bilen tassyklanan ynanç haty.
2. Sertifikatlaşdyrmaga hödürlenýän önümler bir atdan köp bolan halatynda ýa-da önüm barada maglumat uly möçberde bolanda arzanyň ýany bilen ýöriteleşme (goşundy) goýulýar, onda önümiň aýratynlygyna baglylykda şu aşakdaky maglumatlar görkezilýär:
önümiň ady, hil, sorty, markasy we başgalar, mukdary ýa-da göwrümi;
önümiň düzümi (toplumy, kompleksi), düzüm bölekleri.
ýöriteleşmäniň her sahypasynda Arza beriji gol çekýär, şonda Arza beriji ýuridiki şahs bolan ýagdaýynda möhürini hem goýýar. ýöriteleşme resmileşdirilýän laýyklyk sertifikatynyň her bir nusgasynyň ýanyna goşulmaly.
3. Sertifikatlaşdyrylmaga hödürlenýän önüm ölçeg serişdesi (ýa-da gurluşynda ölçeg serişdesi bolan enjam) bolsa, onda Arza beriji önümiň Türkmenistanyň ölçeg serişdeleri baradaky Döwlet sanawyna (reýestrine) girizilendigini tassyklaýan resminamany bermeli.
4. Arza beriji tarapyndan berilýän resminamalar döwlet dilinde bolmalydyr ýa-da bellenen tertipde döwlet diline terjime edilmelidir. Şol bir wagtda berilýän resminamalaryň mukdary köp bolan halatynda sertifikatlaşdyrmak boýunça edara bilen ylalaşylan tertipde olar başga daşary ýurt dilinde kabul elilip biliner.
Arza beriji, sertifikatlaşdyrmak üçin arzada talap edilýän maglumaty dolylygyna beýan edýär, şeýle hem arzada Arza berijiniň adyndan başga adamyň gol çekmegine ýol berilmeýär.
5. Zerur bolan ýagdaýynda, sertifikatlaşdyrmak boýunça edara Arza berijiden önümiň kadalaşdyryjy resminamasyny we (ýa-da) önümiň kadalaşdyryjy resminamanyň talaplaryna laýyk gelýändigini tassyklamak üçin gerek bolan goşmaça resminamalary talap edip biler.