Ahal welaýatynyň we Aşgabat şäheriniň “Türkmenstandartlary” döwlet gullugynyň Merkezi barlaghanasynyň Radiodozimetriýa bölüminde ýurdyň çägine getirilýän we çykarylýan, ýurdyň çäginde öndürilýän ähli görnüşli önümleriň we harytlaryň, daşky gamma şöhlelenmäniň EDK derejesiniň barlagynyň tertibi materiallarda we önümlerde tehnogen ýa-da tebigy radionuklidleriň ýoklugyny ýüze çykarmak üçin niýetlenendir. Ölçeýji signalizator gözleýji göçme enjamy, ýurdumyza getirilýän önümleriň daşky gamma şöhlelenmesiniň ekspozision dozasynyň kuwwatlylyk derejesini hereket edýän kadalaşdyryjy resminamalara laýyklykda, ýagny sertifikatlaşdyrylýan önümleriň radiologiýa barlagyny mkR/sag we mkZ/sag ölçeg birliklerinde kesgitlemek üçin niýetlenendir. Organiki däl ürgün gurluşyk materiallaryna daş owuntygy, çagyl, çäge, sement, gips we ýüzüni örtmek plitalary, dekoratiw we tebigy daşdan başga önümleri, kerpiç we diwar daşlary we başgalar şeýle hem gurluşyk materiallary hökmünde göni ulanylýan ýa-da olary öndürmek üçin çig mal hökmünde ulanylýan senagat önümçiliginiň galyndylaryny talaplara laýyklykda gurluşyk materiallaryna we önümlerine baha beriş üçin tebigy radionuklidleriň udel işjeňligini kesgitlemegiň usulyýetlerini gözegçiligiň tertibini anyklaýar.