Türkmenistanyň Zähmet Kodeksine laýyklykda “Türkmenstandartlary” baş döwlet gullugy Zähmeti goramak babatda ýerine ýetiriji häkimiýetiň edarasy bolup durýar. Şunuň bilen baglylykda, döwlet gullugynyň Zähmeti we ýerasty baýlyklary goramak bölümi eýeçiligiň görnüşine garamazdan edara-kärhanalar, hususy telekeçiler tarapyndan zähmeti goramak babatda hereket edýän Türkmenistanyň kadalaşdyryjy hukuk namalarynyň we beýleki kadalaşdyryjy resminamalaryň talaplarynyň berjaý edilişine gözegçilik barlaglaryny geçirmek, howpsuzlyk we senagat howpsuzlygy ugurlary boýunça sertifikatlaşdyrmak işleri alnyp barylýar. Şeýle hem, “Ýerasty baýlyklar hakynda” Türkmenistanyň Kanunyna laýyklykda ýerasty baýlyklaryň peýdalanylyşyna we goralyşyna gözegçiligi amala aşyrylýar. Mundan başga-da, Bölüm tarapyndan Türkmenistanyň Prezidentiniň 2016-njy ýylyň 20-nji maýynda çykaran 14780-nji karary bilen tassyklanan “Önümçilikde bolan betbagtçylykly hadysalary derňemegiň we hasaba almagyň Tertibiniň” talaplaryna laýyklykda önümçilikde bolan betbagtçylykly hadysalary derňemek boýunça işler amala aşyrylýar.