Balkan welaýatynyň “Türkmenstandartlary” döwlet gullugynyň Merkezi barlaghanasynyň Defektoskopiýa we gurluşyk önümleriniň hiline baha beriş bölüminiň esasy wezipesi sertifikatlaşdyrma, döwlet gözegçiligi maksady üçin şeýle-de kärhanalaryň guramalaryň we hususy raýatlaryň arzalary boýunça önümleriň barlag-synag işlerini geçirmek bolup durýar. Önümleriň hili babatda alyjylaryň bähbitlerini we hukuklaryny goramagy üpjün etmek. Ýük göteriji mehanizmleriň kebşirlenen birikmeleriň, metal gapylaryň ýagdaýynyň we turba geçirijileriň, suw gyzdyryjy gazanlaryň we rezerwuarlaryň, metaldan ýasalan sütünleriň, metal gurluşlaryň, uniwersal konteýnerleriň, diregli basgançaklaryň we polatdan konistrleriň kebşirlenen birikmeleri barlanýar hem-de awtoulaglaryň aýnalarynyň ýagtylyk geçirijilik koeffisiýenti ölçenilýär. Bulardan başgada Gurluşyk önümleriniň synaglary geçirilýär. Olar agaç materiallar (agaç ýonuşga we süýümli plitalar), ýere düşelýän we diwara ýelmenýän keramiki plitalar, tebigy daşlardan kesilip taýýarlanylýan örtgi plitalar (mermer, granit), portlandsement we sulfata durnukly portlandsement, lak-boýag önümler (boýagy, syrça, lak we eredijiler), ýylylyk izolýasiýa materiallar (aýna süýümli plitalar, mineral süýümli plitalar, penopolistirol plitalar, penopoliuretan plitalar we ş.m.) gidroizolýasiýa (owradylan çagyl, owradylan çäge we çagyl-çäge garyndysy) we başga materiallar.