Bölümiń esasy maksatlary şu aşakdakylardan ybaratdyr:

Sertifikatlaşdyryş edaranyň esasy maksady önümleri sertifikatlaşdyrmak boýunça kanunyň we düzgünnamalaryň talaplaryna doly laýyk gelýändigini tassyklamak we baha bermek, şeýle hem ýeterlik derejede howpsyzlyk talaplaryna laýyk bolmadyk harytlaryň dolanyşyga göýbermezligi boýunça işleri ýerine ýetirmek, “Sertifikatlaşdyrmak hakynda”, “Standartlaşdyrmak hakynda”, “Ölçegleriň bitewiligini üpjün etmek hakynda”, “Sarp edijileriň hukugyny goramak hakynda” Türkmenistanyň Kanunlaryny we bu ugurlarda döwlet syýasatynyň esasy ugurlaryny edara-kärhanalaryň we telekeçileriň işlerinde amala aşyrmaga ýardam bermek.

Önümleri we hyzmatlary sertifikatlaşdyrmak boýunça kadalaşdyryjy resminamalaryň, döwlet we döwletara standartlaryň taslamalaryna seretmek we olara degişli teklipleri taýýarlamak. Gelýan maglumatlaryň syryny saklamak.

Ýurdumyzyň çäklerine daşary ýurtlardan getirilýän sanawda görkezilen önümler sertifikatlaşdyrylanda radiologiýa howpsuzlygyny üpjün etmek hakynda "Türkmenstandartlary" baş döwlet gullugynyň kararlaryny, buýruklaryny we tabşyryklaryny ýerine ýetirmek. Sertifikatlaşdyryş boýunça meýilnamalary düzmäge gatnaşmak. Sertifikatlaşdyrmaga berlen arzalary kabul etmek we seretmek. Türkmenistana getirilýan önümleri degişli kadalaşdyryjy resminamalaryň talaplaryna laýyklykda sertifikatlaşdyrmak işini alyp barmak.

Gelen arzalar esasynda önümleriň ýerleşýan ýerinde kadalaşdyryjy resminamalaryň talaplaryna laýyklykda seljeriş işlerini geçirmek we synag üçin nusgalyklary saýlap seçip almak we akkreditirlenen (attestatlaşdyrylan) synag barlaghanasyna tabşyrmak. Degişli kadalaşdyryjy resminamalaryň talaplaryna laýyk gelmeýan, hili pes bolan önümleriň alyjylara ýerlenilmeginiň, döwlete ornaşdyrmagyň öňüni almak. Iş resminamalaryny tassyklanan sanaw boýunça alyp barmak. Aýlyk iş meýilnamalaryny düzmek, hasabatlary öz wagtynda doly we dogry tabşyrmak. Iş meýilnamanyň meselelerini doly ýerine ýetirilmegini üpjün etmek. Aýlyk we hepdelik hasabatlary umumylaşdyryp bölümiň başlygyna tabşyrmak.

“Türkmentstandartlary” baş döwlet gullugynyň çykarýan kararlaryny, buýruklaryny, hatlaryny öz wagtynda okamak, öwrenmek we alyp barýan işinde gollanma hökmünde ulanmak.

Bölümiň esasy alyp barýan işleri şu aşakdakylardan ybaratdyr:

Türkmenistanyň çägine daşary ýurt döwletlerinen getirilýan harytlara öz ygtyýarlylygynyň çäginde sertifikatlaşdyryş işlerini amala aşyrýar. Kadalaşdyryjy resminamalaryň, standartlaryň, tehniki şertleriň talaplarynyň bozulmalarynyň, şeýle-de bozulmalara getirýan sebäpleriň we şertleriň öňüni almak üçin zerur çäreleri görýär. “Sarp edijileriň hukugyny goramak hakynda” Türkmenistanyň kanunyna laýyklykda alyjylaryň, sarp edijileriň hukuklaryny goraýar. Önümleri sertifikatlaşdyrmak boýunça geçirilýan işlerde önümleri ýerinde päsgelçiliksiz barlaýar. Müşderilerden zerur bolan resminamalary bellenilen tertipde talap edýär. Önümleri sertifikatlaşdyrmak boýunça geçirilýan sertifikatlaşdyryş synaglaryna gatnaşýar.

Eger Türkmenistanyň çäginde attestatlaşdyrylan synaghananyň ýok bolanlygynda ekspertiza barlag esasynda sertifikatlaşdyryş işlerini geçirýär. Önümleri sertifikatlaşdyrmakda öz ugurlary boýunça “Türkmenstandartlary” döwlet gullugynyň beýleki hukuklaryndan peýdalanýar. Sertifikatlaşdyrylýan önümleriň hili kadalaşdyryjy resminamalaryň talaplaryna laýyk gelmedik halatynda, anyk möhletleri görkezmek bilen düzetmesi hökmany görkezme berýär, önümleriň ýerlenilmegine gadagan ediş resminamasyny berýär ýa-da önümleri yzyna ibermek barada netije çykarýar.