Bölümiń esasy maksatlary şu aşakdakylardan ybaratdyr:

Senagat howpsuzlygy, zähmeti we ýerasty baýlyklary goramak boýunça kadalaşdyryjy hukuk namalaryň gullugyň gözegçiligidäki edara-kärhanalarda berjaý edilişine gözegçilik etmek we ony guramak.

Türkmenistanyñ Zähmet kodeksini we “Ýerasty baýlyklary hakynda” Kanunyny, zähmeti goramak ugurlarynda Döwlet syýasatynyñ esasy ugurlaryny amala aşyrmaga gözegçilik hem- de işläp düzmegi guraýar.

Edara-kärhanalaryň tabynlygyna, hojalyk görnüşlerine (Goranmak ministrligi, Içeri işler ministrligi, Milli howpsuzlyk gullugy we Serhet gullugynyň harby gullukçylary sanawa girmeýär) garamazdan, şol sanda aýry–aýry raýatlar tarapyndan döredilen kärhanalary we telekeçileri (mundan beýläk-kärhana) hasaba alyp olaryň sanawyny düzmek, tassyklamaga hödürlemek we şol kärhanalaryň işgärlerine ýokary öndürüjülikli zähmet çekmekleri üçin howpsuz we sagdyn iş şertleriniň döredilmegine, tebigy baýlyklary gorap saklamaklyga we olaryň tygşytly peýdalanylmagyna döwlet gözegçiligini üpjün etmek.

Kärhana ýolbaşçylarynyń, hemme wezipeli hünärmenleriniń, Türkmenistanyń Zähmet kodeksiniň, “Ýerasty baýlyklar hakynda”, “İşiń aýry-aýry görnüşlerine ygtyýarlylandyrmak hakynda”, “Sertifikatlaşdyrmak hakynda” Türkmenistanyń Kanunlarynyń we şol kanunlardan gelip çykýan kadalaşdyryjy resminamalaryň talaplarynyň berjaý edilişine, ýörite taýýarlanylan soragnamalar esasynda döwlet gözegçiligini we barlagyny geçirmek.

Desgalaryň, senagat önümçiliginiń (obýektleriň) durkuny täzelemek, maşyndyr enjamlaryň ýasalyş tilsimatynyň taslamalarynyň zähmeti goramak baradaky düzgünnamalarynyń, Türkmen döwlet standartlarynyń (TDS) talaplaryna laýyklygyna döwlet seljermesini (ekspertizasyny) geçirmeklige (toparyň düzümine goşulan ýagdaýda) gatnaşmak we taslamalary hasaba almak.

Önümçilikdäki betbagtçylyk hadysalary (şikeslenmeleri), hünär kesellerini Türkmenistanyň Prezidentiniň 20.05.2016 ýyldaky 14780 belgili Karary bilen tassyklanan Tertibe we önümçilikdäki bibatçylyklary (tehniki awariýalary) “Türkmenstandartlary” baş döwlet gullugynyň 15.09.1995 ý. 20-nji belgili karary bilen tassyklanan gollanma esasynda ýörite derńewini geçirmek, ýagdaýlara serenjam bermek, hasabyny ýöretmek we bellenilen çäreleriň ýerine ýetirilişine gözegçilik etmek.

Kärhanalarda partlama serişdeleri we düzüminde ionizirlenen şöhle ýaýradyjy çeşmeleri bolan abzallar, enjamlar ýitirilende olaryň ýagdaýlaryny we sebäplerini anyklamak üçin ýörite derňewini geçirmek we hasabyny ýöretmek.

Mary welaýatynyñ “Türkmenstandartlary” döwlet gullugynyñ beýleki bölümleri bilen bilelikde zähmeti goramak boýunça hukuk we guramaçylyk, ylmy-usuly kada resminamalarynyñ işlenip düzülmegini guramak.

Bölümiň hukuk çäklerindäki meseleler boýunça, Mary welaýatynyň “Türkmenstandartlary” döwlet gullugyna, kärhanalardan we raýatlardan gelýän hatlara, arza- şikaýatlara bellenilen tertipde seretmek we degişli resminamalary ylalaşmak üçin taýýarlamak.

Howp döredip biljek desgalary, enjamlary (göteriji desgalar we mehanizmler, basyş astynda işleýan gazanlar, gaplar, turba geçirijiler) hasaba almak, olaryń bellenilen tertipde tehniki anyklamalarynyň we synaglarynyň geçirilmegińi üpjün etmek.