Mary welaýatynyň “Türkmenstandartlary” döwlet gullugynyň Döwlet synag barlaghanasynyň Gurluşyk we metal önümlerini synagdan geçiriş bölümi edara-kärhanalaryň tabynlygyna, hojalyk görnüşlerine garamazdan, şol sanda aýry-aýry raýatlar tarapyndan döredilen kärhanalardan we telekeçiler tarapyndan gelýän arzalar we ýüz tutmalar esasynda ýurdumyza getirilýän we özümizde öndürilýän önümleriň hil görkezjilerini takyk synaglary geçirmek işlerini alyp barýar.

Akkreditasiýanyň çäklerinde rugsat berilýän önümleriň hil görkezjilerini synagdan geçirip synaglaryň netijeleriniň teswirnamasyny resmileşdirýär.

Ýurdumyzda gurluşyk desgalarynda giňden ulanylýan taýýar we çig-mal hökmünde öndürýän önümleri: keramiki kerpiç we beton diwar daşlary, gurluşyk işleri üçin çagyl we çäge, pol we diwarlary örtmek üçin keramiki plitkalary, gips, asbestsement tolkunly listler, ýuka polat listleri, hwoýa görnüşli agaçlar, asbest hrizotili, ПФ -223 markaly emallar we laklar, jaýyň iç we daş ýüzüni boýamak üçin suwly dispersion boýaglar, gury gurluşyk erginleri we ş.m önümleriň geometriki ölçegleri, berkligi, durnuklulygy fiziki we himiki usullarynda görkezjileriniň talaplaryny şeýle hem Metal we metal önümleriniň synag brlaglaryny döwrebap synag enjamlarynyň esasynda önümi ýerinde barlamak we barlaghanada önümiň himiki düzümini gatylygyny mehaniki düzüminiň berklik häsiýetiniň statistiki görkezjileriniň talabynyň hilini milli we halkara standartlarynyň talaplaryna laýyklygyny kesgitleýär.