Iş ýerlerini barlaýan we awtoulag ätiýaçlyk şaýlaryny synagdan geçiriş bölümi ylmyň we tehnikanyň täze gazananlarynyň esasynda taýýarlanylan kämil enjamlarda döwlet edaralarynyň we hususy önüm öndürijileriň ýüz tutmalarynyň esasynda işleri ýerine ýetirýär.

Iş ýerlerinde ölçegleriň we synaglaryň geçirilmeginiň esasy maksady önümçiligiň netijeliligini we öndürilýäň önümiň (hyzmatlaryň, işleriň) hilini ýokarlandyrmak, kärhanalaryň zähmet we önümçilik prosesleriniň arabaglanşygyny düzgünleşdirmekden ybaratdyr.

Iş ýerlerinde geçirilen ölçegleriň we synaglaryň netijenamasynda berilýän maglumatlar kollektiwleýin şertnamanyň esasy bölegi bolan zähmet howpsuzlygy boýunça her ýyllyk ylalaşyklary düzmäge, şeýle hem zähmet şertlerini gowulandyrmak üçin toplumlaýyn çäreleri meýilleşdirmek üçin esas bolup hyzmat edýär.

Iş ýerlerinde zyýanly faktorlaryň barlygyny ölçemek we „Sanitar kadalarynyň we düzgünleriniň“ berjaý edilişini barlamak üçin synaghana dürli ölçeg enjamlary, şeýle hem kadalaşdyryjy resminamalar, kadalaryň we düzgünleriň ýygyndylary bilen üpjün edilendir.

Biziň taýýarlan işimiziň esasy maksady: iş ýerleriniň zähmet şertlerine laýyklygynyň hakyky ýagdaýyny kesgitlemek we kärhananyň ýolbaşçylygyna önümçilik şikes ýetmesiniň we hünär bilen baglanyşykly keselleriň ýüze çykmasynyň öňüniň alynmagy, kemeldilmegi we ýok edilmegi boýunça çäreleri göz öňünde tutmaga we degişli çäreleri görmäge mümkinçilik bermek; zähmet şertleriniň howpsuzlygyny, zähmet prosesinde adamynyň saglygyny we işjeňligini üpjün edýän durmuşy-ykdysady, guramaçylyk-tehniki we öňüni alyş çärelerini we serişdelerini ornaşdyrmaga esas bolup durýar.

Şeýle hem bölümde akkreditasiýanyň çäginde kadalaşdyryjy resminamalaryň talapalaryna laýyklykda ýurdumyzda öndürilýän we daşary ýurtlardan getirilýän gurluşyk harytlarynyň we awtoulaglaryň ätiýaçlyk şaýlarynyň hiline synaglary ýerine ýetirýär.