Mary welaýatynyň “Türkmenstandartlary” döwlet gullugynyň Döwlet synag barlaghanasynyň Radiodozimetriýa ölçegleri geçiriş bölüminde ýurduň çägine getirilýän we çykarylýan, ýurduň çäginde öndürilýän ähli görnüşli önümleriň we harytlaryň, daşky gamma şöhlelenmäniň EDK (ekspozision dozasynyň kuwwatlylygy) derejesiniň barlagy şeýle-de materiallarda we önümlerde tehnogen ýa-da tebigy radionuklidleriň udel effektiw işjeňligini kesgitlemäge gönükdirlen işleri alnyp barylýar.

Radiodozimetriýa ölçegleri geçiriş bölümi gözleýji dozimetr-radiometr göçme enjamyň kömegi bilen, ýurdumyza getirilýän önümleriň daşky gamma şöhlelenmesiniň ekspozision dozasynyň kuwwatlylyk derejesini hereket edýän kadalaşdyryjy resminamalara laýyklykda, ýagny sertifikatlaşdyrylýan önümleriň radiologiýa barlagyny mkR/sag. we mkZ/sag. ölçeg birliklerinde kesgitlemek işlerini geçirýär. Organiki däl ürgün gurluşyk materiallaryna daş owuntygy, çagyl,çäge, sement, gips we ýüzüni örtmek plitalary, dekoratiw we tebigy daşlardan kesilip taýýarlanan önümleri, kerpiç we diwar daşlary, şeýle hem gurluşyk materiallary hökmünde göni ulanylýan ýa-da olary öndürmek üçin çig-mal hökmünde ulanylýan senagat önümçiliginiň galyndylaryny talaplara laýyklykda gurluşyk materiallaryna we önümlerine baha beriş üçin tebigy radionuklidleriň udel işjeňligini kestlemek we gözegçilik geçirmek işlerini alyp barýar.

Radiodozimetriýa ölçeglerini geçiriş bölümi öz işinde, TDS-30108-94 “Gurluşyk materiallar we önümler. Tebigy radionuklidleriň udel effektiw işjeňligini kesgitlenilişi” kadalaşdyryjy resminama we GR 16162325-79-2011 “Sertifikatlaşdyrylanda daşky gamma şöhlelenmäniň ekspozision dozasynyň kuwwatlylyk derejesini kesgitlemegiň tertibi” gönükdiriji resminamasyna goldanýar.