Bölümiň wezipeleri:
Önümleri (işleri, hyzmatlary) sertifikatlaşdyryş, ýerasty baýlyklaryň peýdalanylyşyna we goralyşyna gözegçilik etmek, zähmeti goramagy dolandyrmak, senagat howpsuzlygyny amala aşyrmak.
Önümleriň (işleriň, hyzmatlaryň) hiline, zähmetiň we ýerasty baýlyklaryň goralyşyna, senagat howpsuzlygyna, standartlaryň we standartlaşdyryş boýunça beýleki kadalaşdyryjy resminamalaryň talaplarynyň berjaý edilişine döwlet gözegçiligini amala aşyrmak.
Senagat howpsuzlygy we önümiň hili babatda sarp edijileriň bähbitlerini we hukuklaryny goramak.
Ýerasty baýlyklaryň rejeli peýdalanylyşyna we goralyşyna, ýerasty baýlyklardan peýdalanmagyň bellenen tertibiniň ähli peýdalanyjylar tarapyndan ýerine ýetirilişine, standartlaşdyryş boýunça kanunçylygyň, şeýle hem standartlaryň (düzgünleriň, kadalaryň) berjaý edilişine gözegçilik etmek.
Partlaýjy maddalaryň we ionizirleýji şöhleleriň çeşmeleriniň saklanyşynyň hasaba alynyşyna gözegçilik etmek.
Zähmeti goramagyň döwlet tarapyndan dolandyrylyşynda önümçilik serişdelerine, tilsimatlaryna we zähmeti goramaga bildirilýän, işgärleriň saglygyny we zähmetiň howpsuz şertlerini kepillendirýän talaplar işlenip taýýarlananda degişli teklipleri bermek.
Standartlaşdyryş, önümleri (işleri, hyzmatlary) sertifikatlaşdyryş, ýerasty baýlyklary we zähmeti goramak we senagat howpsuzlygy boýunça kadalaşdyryjy tehniki resminamalaryň işlenip taýýarlanylmagyna teklipleri bermek.
Öňdebaryjy innowasion tilsimatlary ulanyp bölümiň önümçilik işiniň ýokary netijelegini üpjün etmek.
