TÜRKMENISTANYŇ PREZIDENTINIŇ

KARARY

  «19» ýanwar 2023 ý.                                                                              № 396                                                                                                 Aşgabat ş.

Howply önümçilik desgalaryny Howply önümçilik desgalarynyň döwlet sanawynda bellige almagyň,

şol desgalarda heläkçilikleri çäklendirmek we olaryň netijelerini ýok etmek boýunça çäreleriň

meýilnamalaryny işläp taýýarlamagyň meseleleri hakynda

«Howply önümçilik desgalarynyň senagat howpsuzlygy hakyndaky» Türkmenistanyň Kanunynyň 2-nji we 11-nji maddalaryny ýerine ýetirmek hem-de howply önümçilik desgalarynyň howpsuz ulanylmagyny üpjün etmek, şeýle hem howply önümçilik desgalarynda heläkçilikleriň öňüni almak maksady bilen, karar edýärin:

1. Şulary tassyklamaly (goşulýar):

1) Howply önümçilik desgalaryny Howply önümçilik desgalarynyň döwlet sanawynda bellige almagyň tertibini;

2) Howply önümçilik desgasynda heläkçilikleri çäklendirmek we olaryň netijelerini ýok etmek boýunça çäreleriň meýilnamalaryny işläp taýýarlamagyň tertibini we bu meýilnamalaryň mazmunyna bildirilýän talaplary.

2. Şu kararyň ýerine ýetirilişine Türkmenistanyň Ministrler Kabinetiniň Başlygynyň Orunbasarlary, Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory, Türkmenistanyň Goranmak ministri, «Türkmenstandartlary» baş döwlet gullugynyň başlygy, beýleki degişli ministrlikleriň we pudaklaýyn dolandyryş edaralarynyň ýolbaşçylary, welaýatlaryň we Aşgabat şäheriniň häkimleri hem-de Türkmenistanyň Ýokary gözegçilik edarasynyň başlygy gözegçilik etmeli.

Türkmenistanyň                                                                                                                                         Serdar

     Prezidenti                                                                                                                                      Berdimuhamedow