«TÜRKMENSTANDARTLARY»                                                                                                                                                              STATE SERVICE  

            BAŞ DÖWLET GULLUGY                                                                                                                                                         «TURKMENSTANDARTLARY»

      BUÝRUK                                                                                                                                                                                        ORDER

        _____________________________________________________________________________________________________________________

«23» ýanwar 2023 ý.                                                                                                                                                                                        № 06

Senagat howpsuzlygy, howply desgalary taslamak we gurmak hem-de howply

ýükleri daşamak babatynda işi amala aşyrmak üçin ygtyýarnamanyň dalaşgäriniň

Senagat howpsuzlygy, howply desgalary taslamak we gurmak hem-de howply ýükleri

daşamak babatynda işi amala aşyrmak üçin ygtyýarnamanyň berilmegi hakynda

arzanyň ýanyna goşulýan resminamalaryň käbir görnüşlerini tassyklamak hakynda

Türkmenistanyň Prezidentiniň 2009-njy ýylyň 3-nji iýulynda çykaran 10501- nji karary bilen tassyklanylan, Senagat howpsuzlygy, howply desgalary taslamak we gurmak

hem-de howply ýükleri daşamak babatynda işi ygtyýarlylandyrmak hakynda Düzgünnamanyň onunjy böleginiň sekizinji bendini we on birinji bölegini ýerine ýetirmek maksady bilen, buýurýaryn:

1. Şulary tassyklamaly (goşulýar):

1) Ygtyýarnamanyň dalaşgärinde oňa eýeçilik, kärende hukugy ýa-da başga bir kanuny esasda degişli bolan jaýlaryň we binalaryň bardygy barada maglumatynyň görnüşini;

2) Ygtyýarnamanyň dalaşgärinde oňa eýeçilik, kärende hukugy ýa-da başga bir kanuny esasda degişli bolan tehniki serişdeleri (ulanylýan gurallar maşynlar we mehanizmler) barada maglumatynyň görnüşini;

3) Ygtyýarnamanyň dalaşgärinde bar bolan, senagat howpsuzlygy babatynda işiň ygtyýarlylandyrylýan görnüşleriniň howpsuz we awariýasyz ýerine ýetirilmegini düzgünleşdirýän kadalaşdyryjy-tehniki we tehnologiki namalaryň doly sanawynyň görnüşini;

4) Ygtyýarnamanyň dalaşgäriniň işgärleriniň zähmetiň howpsuz şertleri bilen üpjün edilişi baradaky maglumatyň (şol sanda ýeňillikler, ýetirilen zyýanyň öwezini dolmalar, toparlaýyn we şahsy gorag serişdeleri, ýörite iýmit, zähmeti goramak boýunça gönükdirme we ş.m.) görnüşini;

5) Ygtyýarnamanyň dalaşgäriniň işgärleriniň doly jemlenendigi we olaryň Senagat howpsuzlygy, howply desgalary taslamak we gurmak hem-de howply ýükleri daşamak babatynda işi ygtyýarlylandyrmak hakynda Düzgünnamada bildirilýän talaplara we şertlere laýyk gelýändigini tassyklaýan hünär derejesi barada maglumatyň görnüşini;

6) Ygtyýarnamanyň dalaşgäriniň öňki alan ygtyýarnamalary, şol sanda howply desgalaryň taslamasyny taýýarlamak we olary gurmak hem-de howply ýükleri daşamak babatynda işi amala aşyrmaga hukuk berýän ygtyýarnamasy barada maglumatyň görnüşini.

2. Şu buýrugyň ýerine ýetirilişine gözegçilik etmegi özümde galdyrýaryn

Başlyk                                                                                                                                                                               M.Hojagulyýew