«TÜRKMENSTANDARTLARY»                                                                                                                                                              STATE SERVICE  

             BAŞ DÖWLET GULLUGY                                                                                                                                                         «TURKMENSTANDARTLARY»

      BUÝRUK                                                                                                                                                                                        ORDER

        _____________________________________________________________________________________________________________________

«06» fewral 2023 ý.                                                                                                                                                                                         № 23-iş

Ygtyýarnamalylar tarapyndan ygtyýarnama talaplarynyň we şertleriniň ýerine

ýetirilişine barlaglary geçirmegiň tertibini, şeýle hem Ygtyýarnamanyň dalaşgäri

tarapyndan berlen arzada we resminamalarda özi hakda bar bolan maglumatlaryň

dolulygyna we dogrulygyna, ygtyýarnama talaplarynyň we şertleriniň ýerine

ýetirilmeginiň mümkinçiligine barlaglary geçirmegiň tertibini hem-de Senagat

howpsuzlygy, howply desgalary taslamak we gurmak hem-de howply ýükleri daşamak

babatynda işi ygtyýarlylandyrmak boýunça topar hakynda Düzgünnamany tassyklamak

hakynda

2019-njy ýylyň 30-njy noýabrynda kabul edilen «Işiň aýry-aýry görnüşlerini ygtyýarlylandyrmak hakynda» Türkmenistanyň Kanunynyň 18-nji maddasynyň altynjy böleginiň 1-nji we 2-nji bentlerine, şeýle hem Türkmenistanyň Prezidentiniň 2009-njy ýylyň 3-nji iýulynda çykaran 10501-nji karary bilen tassyklanan, Senagat howpsuzlygy, howply desgalary taslamak we gurmak hem-de howply ýükleri daşamak babatynda işi ygtyýarlandyrmak hakynda Düzgünnama laýyklykda, buýurýaryn:

1. Şulary tassyklamaly (goşulýar):

1) Ygtyýarnamalylar tarapyndan ygtyýarnama talaplarynyň we şertleriniň ýerine ýetirilişine barlaglary geçirmegiň tertibini;

2) Ygtyýarnamanyň dalaşgäri tarapyndan berlen arzada we resminamalarda özi hakda bar bolan maglumatlaryň dolulygyna we dogrulygyna, ygtyýarnama talaplarynyň we şertleriniň ýerine ýetirilmeginiň mümkinçiligine barlaglary geçirmegiň tertibini;

3) Senagat howpsuzlygy, howply desgalary taslamak we gurmak hem-de howply ýükleri daşamak babatynda işi ygtyýarlylandyrmak boýunça topar hakynda Düzgünnamany.

2. Şulary güýjüni ýitiren diýip ykrar etmeli:

1) Türkmenistanyň Adalat ministrliginde 2020-nji ýylyň 25-nji ýanwarynda 1297 bellige alyş belgisi bilen döwlet belligine alnan, «Senagat howpsuzlygy, howply desgalary taslamak we gurmak hem-de howply ýükleri daşamak babatynda işi ygtyýarlylandyrmak boýunça topar hakynda Düzgünnamany tassyklamak hakynda» «Türkmenstandartlary» baş döwlet gullugynyň başlygynyň 2020-nji ýylyň 03-nji ýanwarynda çykaran çykaran 1-iş belgili buýrugyny;

2) Türkmenistanyň Adalat ministrliginde 2020-nji ýylyň 24-nji fewralynda 1303 bellige alyş belgisi bilen döwlet belligine alnan, «Senagat howpsuzlygy, howply desgalary taslamak we gurmak hem-de howply ýükleri daşamak babatda ygtyýarnamanyň dalaşgäriniň we ygtyýarnamalynyň resminamalarynyň we işiniň barlaglary boýunça Usulyýet görkezmeleri tassyklamak hakynda»

«Türkmenstandartlary» baş döwlet gullugynyň başlygynyň 2020-nji ýylyň 28-nji ýanwarynda çykaran 21-iş belgili buýrugyny.

3. Şu buýrugyň ýerine ýetirilişine gözegçilik etmegi özümde galdyrýaryn.

Başlyk                                                                                                                                M.Hojagulyýew