TÜRKMENISTANYŇ PREZIDENTINIŇ KARARY

  «14» mart 2025 ý.                                                                              № 1324                                                                                                 Aşgabat ş.

Senagat howpsuzlygy çygrynda bilermenleriň hünär

synagyny geçirmegiň tertibini tassyklamak hakynda

Howply önümçilik desgalarynyň howpsuz ulanylmagyny üpjün etmek, howply önümçilik desgalaryny ulanýan ýuridik we fiziki şahslaryň jogapkärçiligini artdyrmak maksady bilen, şeýle hem «Howply önümçilik desgalarynyň senagat howpsuzlygy hakynda» Türkmenistanyň Kanunyna laýyklykda karar edýärin:

1. Senagat howpsuzlygy çygrynda bilermenleriň hünär synagyny geçirmegiň tertibini tassyklamaly (goşulýar).

2. Şu kararyň ýerine ýetirilişine Türkmenistanyň Ministrler Kabinetiniň Başlygynyň degişli Orunbasarlary, Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory, «Türkmenstandartlary» baş döwlet gullugynyň başlygy, beýleki degişli ministrlikleriň we pudaklaýyn dolandyryş edaralarynyň ýolbaşçylary, welaýatlaryň, Aşgabat we Arkadag şäherleriniň häkimleri hem de Türkmenistanyň Ýokary gözegçilik edarasynyň başlygy gözegçilik etmeli.

Türkmenistanyň                                                                                                                                         Serdar

     Prezidenti                                                                                                                                      Berdimuhamedow